मोरङ । ताप्लेजुङ्गको मुक्कुम्लुङ÷पाथीभरामा केवलकार खारेजी सम्बद्ध संस्थाहरुले सरकारसँग वार्ता सहजिकरण समिति गठन गरेको सहजीकरणको लागि पठाएको छ ।
गृहमन्त्रालयले आइतबार .(माघ २०) वार्ताको लागि सहसचिव प्रेसप्रसाद भट्टराईको संयोजकत्वमा वार्ता समिति गठन गरेको थियो ।
माघ १२ गते ताप्लेजुङको मुक्कुम्लुङ क्षेत्रमा शसस्त्र प्रहरीले आन्दोलनकारी माथि गोली प्रहार गर्दा ३ जना घाइते भएका छन् । आन्दोलनमा सहभागी तीन जनालाई प्रहरीले पक्रेर मुद्धा चलाएको छ ।
केवलकार खारेजी र गोली काण्ड विरुद्ध माघ १५ गतेदेखि पाँचदिन ताप्लेजुङ जाने सडकहरुमा यातायात बन्द र २० र २१ गते एसियन हाइवेमा यातायात बन्द भएको छ ।
बन्दको क्रममा आइतबार दमकमा तीन सेल अश्रुग्यास प्रहार भएको थियो भने दमक र सुनसरीको धरानमा आन्दोलनकारीहरुले थप नियन्त्रणमा लिएको छ ।
आज (२१ माघ) मुक्कुमलुङ संरक्षक संस्थाहरू र संलग्न राजनीतिक पार्टीहरूको तर्फबाट अमर तुम्याहाङको संयोजकत्व समिति गठन गरेको छ । समितिको सदस्यमा शंकर लिम्बू, राम मादेन र सरस्वता सिंगक (सरु) रहेका छन् । सो समिति यो समाचार तयार पार्दा सहजीकरणको लागि सरकारी वार्ता टोलीसँग छलफलमा रहेको छ ।
समितिले मुक्कुमलुङमा भइरहेको आन्दोलन स्थायी समाधान गर्न र वार्ताका लागि न्यूनतम वातावरण बनाउन पहल गर्ने संयोजक तुम्याहाङले बताए ।
सरकारसँग वार्ताको लागि मुक्कुमलुङबाट शसस्त्र प्रहरी फिर्ता हुनुपर्ने, केवलकारको काम बन्द हुनुपर्ने, पक्राउ परेका सम्पूर्ण बन्दी रिहाइ हुनुपर्ने पूर्वसर्त सहजीकरण समितिले सरकारलाई राखेको छ ।
सहजीकरण समितिले अघि सारेको सर्तहरु मान्य भए आन्दोलनको स्वरुप परिवर्तन हुने र नभए यातायात बन्द निरन्तर रहने मुक्कुमलुङ संघर्ष समितिको बैठकमा सहभागी रहेका रामभक्त कुरुम्बाङले बताए ।
